غلطـــانه أللي تعشــق اليوم رجــال!!

[b]بسم الله الرحمن الرحيم

هذي قصيده ولا اعم بها كل الرجال بالعكس فيه رجال ونعم فيهم وينحطون على الجرح يبرا
واذا حبو وافين في محبتهم حتى النخـــــــاع
ولكن هذي قصيده لأمرأه احبت رجل وعشمها بالزواج اربع سنين
ولكن في لحظه انانيه وحب للذات فكر فأنه ينهي علاقته فيها ويتزوج انسانه اخرى
فتقطع قلبها حزنً على فراقه....فقالت فيه هذه الأبيــــــــات

اليوم لك ثانـي مـع راحـة البـال,, وانا بعـد همـي لـه اليـوم ثانـي..

اليـوم تاركنـي اناظـر بـالاطـلال,, صورة,, رساله ,,حلم ,,جرح واماني !

ليلي قضيتـه بيـن هـمٍ وغربـال،، واقول في نفسي حبيبـي نسانـي!!

غنيت انا عقبك من الضيـق مـوال,, يومك تسمـع للطـرب والاغانـي!!..

لي دمعةٍ من فوق الاوجـان تختـال،، يومـك تلاعـب مترفـات المبانـي..

وبي عبرة منهـا المخاليـق تهتـال،، ياعبرتـي لاتفضحينـي عشـانـي! :

ياعبرتي خلي لـك الصـدر منـزال،، لاهوب بـك داري ولاهـوب عانـي!!

مشغول له في ترفة حالهـا حـال،، :ماهوب فاضـي لعبرتـي او جنانـي!!

في يوم واحد نستـه كـل الامـال!!،، وش عاد لو يدري بشـوق غشانـي؟؟

ماهوب مثل اول هذاك الغـلا زال!!،، عزاه كيـف الـود زال بثوانـي؟؟؟؟؟؟

اربع سنينٍ طوال ياكيف تنـزال؟؟،، وتحط في قلبك هنـوف مكانـي؟؟!!..

ماكنت اظنك تجحـد الـود لا طـال!،، اثرك على طريـف وتبينـي اعانـي!

قد قالـوا ان البعـد والصـد قتـال،، وانـا اشهـد انـه علـة بالمحانـي!!

يومي اشوفك لابس بشت وعقال!!!! والشارب الاسـود وزول سبانـي..

وعروستك من الحيا ترخـي الشـال: ( وترسل لها بسمـه تزيـد امتحانـي

دمعي بلا علمي على وجنتي سـال!!!! اشتقت لـك ليتـك تحـس بحنانـي..

ليتك تشوف الحال يامتلـف الحـال!! بس التفت لي شـوف شالله بلانـي..

نصيتها تضحـك لهـا لاهـيٍ سـال،، واقـول ياليتـه حبيبـي نصانـي!! :

(الله يادنيـا التعاسـه والاهــوال،، الله يستر وش يخبـي لـي زمانـي..

غلطانه اللـي تعشـق اليـوم رجـال: (مهما حلـف بالـود يبقـى انانـي..

وقلب الرجل مابه من الحـب مثقـال!! والبنـت ترفـه قلبـهـا مايـدانـي :

حاولت اعبر والقلم في يـدي مـال،، من هول مابي انعقـد بـي لسانـي!!

ايه ايه ياشاعره هضتني بالقصده
صدق المثل او مدري الشاعر الي يقول

ياونتي ونت بعيرا تدربا ولاطيرا بالهوى له عجاجه

lol!

صح لسانك على القصيده الحلووه والمعطره بجمل الكلمات وعساك على القوه وننتضر جديدك
وقبل اطلع بقولك شي
ياليت مره ثانيه ونتي تكتبين قصيده لاتاكلين فصفص
وذا اكلتي نضفي مكانك شوفي القصيده كله خلوخ فصفص
هههههههههه سوري
تقبلي مروري

غلطانه اللـي تعشـق اليـوم رجـال: (مهما حلـف بالـود يبقـى انانـي..

صح حال البنات الايام هذه كذا والله يعين حنا رجال جشعين .

مو كلنا
_________________

وش فصفصه وش فشاره ياخاتم سليمان

حجه شايفني

ههههههههههههههههههههههههههههه

مشكور على مرورك المحمل بأنواع الغبره والعجاج كح كح كح

الله يصلحك ياخاتم كم مره اقول قبل ترد على مواضيعي نفض ملابسك من الغبره
ياخي ماعندكم غساله في البيت كح كح كح

مشكوووووووووووووووووور بلال على مرورك الاكثر من رائع

قد قالـوا ان البعـد والصـد قتـال،، وانـا اشهـد انـه علـة بالمحانـي

تحيآتي يأالغاليه
تقبلي مروري

الله يريح قلبها ويصبرها ويعوضها من يعرف قدرها والخيرة فيما اختارها الله الحكمة قد لا تتجلى للأنسان وذلك لأسباب لا نراها ... على كل حال مشكورة شاعرتنا يا مبدعه الله لايحرمنا تواجدك ...
_________________

اربع سنينٍ طوال ياكيف تنـزال؟؟،، وتحط في قلبك هنـوف مكانـي؟؟!!..

ماكنت اظنك تجحـد الـود لا طـال!،، اثرك على طريـف وتبينـي اعانـي!

الله يرحم حالها ويعوضها بخير منه

تسلمين على القصيده يالشاعره
_________________
كل ابتسامه مهاجره جات رجعت لشفتي
وكل الدروب الضايعه مني تنادي خطوتي