|
ياحمود قلبي من جفى الزين مهموم
قلبن على هجر الحبايب ضعيفي
|
جرح الهوى فعله بالاجواد معلوم
كم واحدن خلا ربيعه خريفي
|
لاداج طيفه بالخفى يطرد النوم
ثم يتهشم حجرها بالذريفي
|
لامن لمحت الباب ياحمود مردوم
من عقب ماكانت حياتي وريفي
|
والقلب عقب الجرح ماينفعه لوم
ونار الهوى بالجوف مثل الصريفي
|
قلبن قبل ظلمه من الوقت مظلوم
كنه طريحن من جنود الشريفي
|
ودنياك ماتصفي لنا دايم الدوم
وزمل الفرح ترجع ظعونه نكيفي
|
غديت مثل اللي قلب راسه الحوم
من عقب ماهو بالحباري يحيفي
|
باسباب مجدولن على المتن ملموم
لاطاح من فوق الردايف صفيفي
|
وجسمن سقاه الزين بالوصف مبروم
كتفن وردفن والمخصر صخيفي
|
تجمع عيون الفرس مع بشرة الروم
وعيون شاميه وهرج القطيفي
|
خشفن بزين الطبع والعين موسوم
كنه عروسن في ليال الزفيفي
|
خده تلالا بالحلا تقل مختوم
والقلب مع زين الحلايا رهيفي
|
والله فلا زينه مكاييج وهدوم
يكفيك رمشن مع سواده نظيفي
|
خلت خفوقي عن حلا البيض معصوم
عن غير زوله بالعذارى كفيفي
|
لولاي اخاف الله وعادات وسلوم
خطفتها مثل العقاب المخيفي
|
في ليلتن نور القمر طاح بغيوم
مع ضوح برقن بالسماء له رفيفي
|
والا كما ذيبن على راس مزموم
من نار جوعه له قنيب وهريفي
|
والا كما جيبن على الدرب منهوم
فيه الدبل جاهز ثقيل وخفيفي
|
فوقه شجاعن شب في جوفه الزوم
كنه لابوصالح بطيبه وصيفي
|
عواد شوق اللي من الزين موشوم
اللي يدوس الدرب لو هو كليفي
|
نسل الرجال اللي لها مجد وعلوم
اللي لياكادت تشيل الرديفي
|
مزبان مضهودن من القوم مضيوم
اللي وقع ساقه كسيرن سعيفي
|
ماهو بطول الدرب ضايع ومنجوم
يصلح لمن ساق المواتر عريفي
|
يفزع لمن كنه عن الديد مفطوم
له ماقفن بالطيب ماهو طريفي
|
الشاعر اللي حضرته ترهب القوم
ولالي قباله غير ربع النصيفي
|
مار ان وقت اليوم حاكم ومحكوم
وراحت بحمد الله وقوت الزحيفي
|
وقتن مضى عند الاجاويد مذموم
كان العرب بالسيف دمه نزيفي
|
دخلت بامواج الهوى جاهل العوم
واجهل طبايع كل جنسن لطيفي
|
واليوم قلبي من هوى البال محروم
ونتيجته جسمن عليلن نحيفي
|
والادمي رزقه مقدر ومقسوم
والصبر ملجأ كل رجلن عفيفي
|
|
موضوع: غسلانيات و عواديات 
الثلاثاء ديسمبر 18, 2007 11:11 pm
