مساء الخير والاحساس والطيبة

مساء الخير والاحسـاس والطيبة
مسـاءٍ مـا يـليق إلا بأحبـابي

مساءٍ غير غصن لطير يحكي بـه
عن اللي مـسكنه جفني وأهـدابي

هلا باللي أحـبه كثـر تعذيـبه
وكثر ما هـو يغيب وكثر ترحابي

حبيبي هـو ولو ما قصّـر الغيبة
ولـو عن بسمتي قد طـوّل غيابي

أعـرفه زيـن وأعيتني أسـاليبه
عدوي يوم ويوم أقرب من أصحابي

مـلكني بين تـرغيبه وتـرهيبه
يفـارقني وهـو واقف على بـابي

به الصادق به الغـارق بأكاذيبـه
يبي بعـدي ودمعـه بـلّل ثـيابي

به القسـوة به الرقـة به الهيبـة
به الضعف القوي به نشوة إغضابي

هلا باللي يصيب العطـر بالريب
يقول العطـر أنا زايـل ويبقى بي

هلا باللي يقول الورد وش لي به؟
من المهـدى؟ أنـا أو هو لأطيابي

هلا باللي علي يقسى وأمـاريبه
هلا باللي أبـد مـا لان لعتـابي

هلا باللي عجـزت ألقى عذاريبه
هلا بـاللي تـحبه كل أسـبابي

مسـاءٍ فاق كل الشعـر ترحيبه
بجيّة مـن سـكن قلبي وأهـدابي

مساءٍ فاض بالاحسـاس والطيبه
مسـاءٍ مـا يليـق إلا بأحبـابي

عبد الرحمن بن مساعد !!

تسلم يا شاعر اسمر على ذوقك هذا والله يعطيك العافية
_________________

الشكر لك بلال على مرورك العطر تشرفت بك ...
_________________

زائر

الله عليــــــــــــــــــــــــــــــــــك

سح لسانك ولاعدمناك
تقبل مروري

الله على صاحبة الذوووووق كلك ذوووق اميرة لاحرمنا مرورك الراااائع
_________________

ياااااااااااااااااي عالشعرررررر الرومنسي العذب

يسلمووووو ياقصة أسمر لاعدمناااك أخوي

الراااائع هو شعورك بالكلمات يا ذوووووووووووووق الله لا يحرمني تواجدك دائماً....
_________________