شفته البارح حكيت وحكالي
وعجبني اسلوبه وصدقه وقلبه
بعدها مدري وش اللي جرالي
الله يستر قلبي ليكون حبه
الوضع ما يطمن وانا ادري بحالي
الجمر "رمد" لين جاني و"شبه"
كنه نوى يسهر عيوني ليالي
ولا نوى يأخذ فؤادي في دربه
راح من عندي ووجهه قبالي
شتت لي افكاري ولا خاف ربه
طول عمري خالي الفكر سالي
عايش بحالي ما عرفت المحبه
ما كل من شفته اناديه غالي
وما كل واحد ودي اقعد بجنبه
ارتحت له من يوم شفته قبالي
كن الحياة بدون شوفتهم صعبه
_________________
موضوع: شفته البارح 
الأحد نوفمبر 25, 2007 11:23 pm
