رأي المجتمع السعودي بـ _ _ _ الممرضه >>

حبيبي احنا نتكلم في المجتمع السعودي ونظرته الدونية للممرضة.. ايش دخل انفتاح وخراب المجتمع الأمريكي بالسعودية ..

هذاك انفتاح وهذا انفتاح .. يمكن عندك تعليق على هذه الجملة ..

بس أبي اسألك .. هل في أمرة في السعودية تطلع من البيت بدون عباية ..؟؟

احنا مالنا ومن أمريكا لأنهم مسيحين وما عندهم دين ولا أخلاق او ضمير يردعهم عن الحرام أو أرتكاب الجرائم .. ومن عدم الايمان بالله عندهم والأكتئاب النفسي اللي يعاني منه 70% من الشعب الأمريكي يخلي الشباب الأمريكي يغتصب لأنه ما عنده وازع ديني يردعه أو حتى ذرة خوف من ربه .. اللهم يقولون الرب يحبنا ويبغانا نعيش بسلام .. هذولا تسيلي اياهم عندهم ذرة احساس بالجرائم .. والافلام الاكش الامريكية خلت شي وما عرضته من اشكال العنف في السينما الأمريكية .. هنا يطلع الشعب ملتزم أو أصحاب جرائم وسوابق ..

وبالنسبة للإحصائيات اللي قدمتها عن السعوديات موضوع طويل .. على سبيل المثال أبي اتكلم بالنسبة لأكتساح السينما التركية الخليخ وبالأخص السعودية ..

1- أكبر نسبة متابعات لهذه البرامج الهابطة وهن المتزوجات ..

2- أكبر ضجة أعلامية وسينمائية عن هذه المسلسلات التركية في السعودية ..

اكيد السؤال الآن اللي يدور براسك .. ليه أكبر نسبة من المتابعات لهذه البرامج المتزوجات ..؟ انا أجاوبك

لأنه انا قلتلك التربية الصحيحة معدومة في الشعب السعودي المعاصر .. والدليل على كلامي .. لما تسأل شخص وتقوله ليه ما تدلع زوجتك وتغازلها بالكلام الحلو وتبينلها حبك .. يرد عليك البدوي أو الغير مثقف بجملة تكتسح جميع أنواع العلم في الكون قائلا ( أنام معها بالليل وآكل من يدها بالنهار ) وش تتوقع يطلع الجيل مع الانفتاح بدون تربية جاوبني .. يعني كلام الأخ انه خلص شهوته مع بنت الناس وصارت بعد المعاشرة عاهرة لا يتكرم بالأكل من يدها أو من طبخها ونحن في عام 2008 .. وش تتوقع راح يربي أولادة التربية الصحيحة ..؟؟ أمانة جاوبني هل هذا يصلح أن يكون أب أو يصلح أن يكون زوج .. هنا المتزوجات يتابعن هذه البرامج الهابطة ويبحثن على الرومانسية في أي مكان .. وارتفاع نسبة الطلاق في السعودية لعدة اسباب ولا تقولي الانفتاح خرب الأسر والاسباب هي..

1- عدم تقيف الزوج بالزواج وكيفية التعامل مع حبيبته وزوجته وشريكية حياته الى الأبد ..

2- عدم تثقيف الزوجة بالزواج والمسؤولية والحمل والولادة والتربية الصحيحة للأولاد والبنات في ضوء الانفتاح الذي يشهده العالم ..

وأسباب أخرى كثيرة .. ما أبي عن الموضوع كثير .. بس لا تفارن الانفتاح في دول الغرب وأمريكا بالانفتاح في السعودية وقلة الوعي والثقافة عند ابنائنا وخاصة الجيل الجديدة اللي طلع على هالدنيا وكنوز الدنيا جمبة والكل يخده .. وش تتوقع من هذه الشريحة من هذا الجيل .. هل راح يكون أو يواجه الانفتاح بالصورة اللي ابي اوصلك اياها ..؟

وآخر شي خلطت الأمور وقلت الكبت راح يطلع البنت شريفة وما تكلم أحد وخلاص في ردك الماضي ..:

وسؤال نسيت ان اقوله

انت تقول كبت وكبت اذا تربت البنت تحت التدين واذا انفتحت قلت شواذ

الكبت غير والدين والاعتدال غير في ضوء العولمة والانفتاح الجزئي في المملكة العربية السعودية الذي لا يقارن مطلقا بدول أوروبا وامريكا ..

حبيبي تعرف أكثر ما يتعرض الشباب بالتحرش من البنات ومحاوله استفزازهم هم اللي حاطة العباية على الرآس وليس بالتحديد على الرآس .. واينما لأرضاء اهلها وأهلها هم اللي غصبوها واجبروها بدون اسلوب حضاري وتربوي وشبابي بأنه دون وسترة لللبنت .. وانما غصب يعني هذا دليل على الكبت والتربية الخاطة من الأهل للبنت .. وتجد كثيرا من البنات تفتش عن وجهها او غيره وانما تربت أو طبيعة برستيجها المادي والاجتماعي تخليها تفتش وليس تدور الخراب والمغازلات .. ما ابي ابعد أو أطول بس هذا اسلوب مصغر للكبت للبنت وعدم تربية الاهل للبت التربية العصرية القائمة على التفاهم والمصداقية بين الأهل والأولاد ..

· أرجوا انها وضحت الصورة عندك بالنسبة للعولمة والانفتاح ودور التربية الصحيحة والقائمة على قرب الوالدين من ابنائهم وبناتهم وايش اللي يخلي البنت انها تنحرف أو ما تقدر المهنة اللي ضحت كثير عشاناه وعشان تحقق طموحها ..

وبالنسبة كبت البنت اللي اقصده في كلامي كبت في كل شي وخاصة بالحرية اللي تحتاج لها كأي بنت ثانية .. يعني قي نقطة اعترض عليها شوي وازيد عليها واللي هي لازم يكون هناك عند البنت الخوف من الله وفي نفس الوقت عقل البنت وتفكيرها وثقافتها السليمة والناضجة اللي تخليها ما تضعف اذا ضعف دينها وزادت عليها الضغوط في حياتها في هذه المهنة، فتفكير البنت السليم والخوف من الله (ونضوج البنت العقلي) اكبر مساعد مع الخوف من الله انها تحمي نفسها وسمعتها من الوقوع في الخطا مهما كانت الظروف .. وانا مسؤول على هذا الكلام لأني شاهدته على ارض الواقع ..

وبالنسبة لأمريكا اللي تقول فيها كل الانفتاح والخراب.. روح شوف مين اللي مخربين سمعة أمريكا بالانفتاح والخراب اللي بعقول الناس عن أمريكا .. الجاليات العربية هي اكبر رؤوس الفساد وأصحاب الملاهي في أمريكا واللي تستمر للصبح بعكس أماكن الأمريكان ومقاهيهم واللي تقفل الساعة 11 بالليل .. وابحث على اللي جاب لعبة القمار في أمريكا وتعال جاوبني .. واختي واولادها في امريكا ومتابع للأمور كلها واخبار امريكا .. فلا تحكم على الانفتاح بهذا الشكل اللي أنت متصورة عن انفتاح أمريكا والاغتصاب اللي فيها ..

آسف على الإطالة ..

وشكرا ..

تحياتي ..