رأي المجتمع السعودي بـ _ _ _ الممرضه >>

انا احيي صاحبتي مون قيرل والاخ قرين على ردودهم الممتعة
والاخت مون قيرل انا وهيا قد تدربنا في مستشفى اجياد في مكة المكرمة مرتين ونزلنا لقسم الطوارىء واشتغلنا مو كا دكتورات لا كممرضات عشان نعيش واقعهم ونشوف
اخ بلال هذي المستشفى فيها قسم منفصل للرجال وقسم منفصل للنساء في الطوارىء او العيادات حتى قسم التنويم لو حبيت تتاكد تفضل روح شوف بنفسك بعدين انت ليه مكبر الموضوع اقل شيء تشتغل في مستشفى ولا تروح في تسعسع في الاسواق 24 ساعة بعدين شركات الاتصالات هذي انت قد دخلتها وشفت كيف شغلهم تقدر تضمن لي انه مافي ولا ذرة رجال يدخلون واذا مادخلو معقولة مابيكون بينهم وبين الرجال كونتاكت اقل حاجة كل شوية بينهم تلفون
اذا البنك البنك اشوف الموظفة قدامي ترفع سماعة التلفون وتكلم المدير والحارس والسكيرتير ومدريمين بالله من باقي

تقدر تضمن لي انه كل مكالماتهم ما تتعدى نطاق الشغل
وزي ماقالت مون قيرل بدل ما تحرم شيء حلال روح ابني لنا مستشفى لحالنا وقتها بقول معاك حق في اللي تقوله
اما على قول المثل ياطخه يا اكسر مخه ماينفع الدنيا ماهي فوضى وكل مين يجي يفتي على كيفه
بعدين عندك المدرسات مثلا هذا هم يمسكون خط بالساعة و الساعتين والثلاث ومامعاهم الا السواق تقدر تضمن لي انه مافي بينهم شيء

كل مهنة فيها الطيب و السيء فليه هذي النظرة السوداوية بدل ما نلغي المهنة هذي احنا نحاول نصلح اخطاءنا و اخطاء غيرنا
ولكل انسان طموح ومستحيل اننا نتنازل عن طموحنا

عذرا على الاطالة ولكن يجب ان نراعي شعور الاخرين عند المناقشة يا بلال

يا هلا بالخطيرة

صحيح ما قلتي في البنوك بالنسبة ان الموظفة ترفع التلفون وتكلم موظف لكن المكالمات غير وانها تختلي برجال غير

اذا ان مستشفى الرجال منفصل عن مستشفى النساء مافيه حرج بالعكس امراة تمرض وتطبب امراة من عارض الشي هذا؟

لكن حتى اذا مستشفى فيه اقسام منفصلة تلقين في غرف فيها دكتور ودكتورة في نفس الغرفة او ممرض وممرضة بامكانهم يلتقون بدون ما احد يلاحظهم وانا شفت مستشفيات كثيرة بعيني

مثلا مستشفى صحاري قسم النساء منفصل عن قسم الرجال بس الموظفين كانوا يتقابلون وانا كنت اشوف
الممرض وهو يغازل الممرضة وهي مبسوطة في الارشيف كان اللقاء

بالنسبة للمدرسات مستحيل سواق ياخذهم بدون محرم هذا اولا وحتى اذا خاص

اصلا حتى سالفة السواقين من قال انهم مسالمين ؟

كم بنت فقدت عذريتها بسبب السائق وكم بنت سحرت بسبب السائق من قال اني مؤيد لنقطة انه يكون فيه سائق بدون محرم اصلا؟

انتي تقولي اذا الوحدة احترمت نفسها

كثر الدق والله يلين الحديد وهذا شي معروف .

لو يجي ممرض حلو المنظر والبنات كل وحدة ومعها صديق من الممرضين هذه تضحك للثاني وهذه تواعد الثاني صدقيني صعب تمسكين نفسك لو ان التربية كافية ليش رب العالمين حرم الاختلاط ؟

جاوبوني في النقاط هذه ارجوكم لا تقولون اشياء وتلتفون من الاجوبة

1- لماذا حرم الله الاختلاط في العمل؟

2- وهل ترى ان التربية لوحدها كافية ؟ وان كانت لم يامرنا ربنا بالتربية فقط ونهى عننا الاختلاط؟

3-هل تعلمين ان هناك فتيات قلن نحن واثقات من انفسنا وقد وقعن في شر الاختلاط؟

اتمنى ان تجيبوا على هذه الاسئلة
_________________

دحين بافهم انت ليه مركز على نقطة الختلاط نفس اقرا لك رد من دون اختلاط

من الابتدائية وهم يدرسونا الممرضة تداوي المرضى وتسهر على راحتهم وووووو يعني نسيب كل هذا ونمسك الاختلاط

وبعدين انت شفت الممرضة تكلم ممرضو مدري ايش طيب ما شفت ممرضة في حال نفسها مرة انعدمو من الوجود

اذا الغرب اللي ماعندهم لا دين ولاشيء في منهم اللي يحترمون نفسهم في الشغل انا المسلمين مرة مافي كلنا اخلاقنا سيئة وتفكيرنا محدود ومتدني

طيب لو اقولك انه لنا 3 سنين ندرس ودكاترة بعضهم يجونا معمل تخيل يعني على سنة كاملة والحمد لله قاعدين باحترامنا
واذا على قولك مظهره حلو ومدري ايش طيب ياما شفنا في السوق في الشار في سيارة في اماكن كثيرة ناس حلوين مو بس كذا غير عن الترقيم ليه ما انجذبنا لهم الا جات على المستشفى اننا بنسوي هذي الحركات

بعدين انا اعرف بنات كثير يشغلون في مستشفيات وما شاء الله سمعتهم فول محد قد تكلم عليهم بكلمة ف منهم محجبات وغير محجبات

بعدين اترك الاختلاط على جنب وشوف الاشياء الثانية اللي في المهنة وقد ايش هي انسانية وعلى كلامك
انا عندي مقطع لدكتورة وقد تكريم الملك عبدالله لها مد يده هي اللي مارضيت تصافحه فكيف باللي اقل منه والا برضها هذي الادمية ماهي طيبة وغرتها المظاهر تقدر ترد

طيب على يدك كلمهم وخليهم يحطون لنا مستشفيات منفصلة واحنا ما عندنا مانع

بس مدري انت مافهمت والا تتحاشى ترد

الدكتورة هذي برضوه من المتسكعات

وهل كل الدكتورات و الممرضات على نفس شاكلتها ومن دون استثناء

لا بس ما افضى لمحرم فهو محرم

الاختلاط محرم وبذلك فهو يؤدي الى محرم

ولا لو نحط مرقص ونرقص فيه والوحدة رقصت باحترام كذا ما احد بيجيها صح؟
_________________

اهم شيء انك اعترفت انه مو كل الممرضات و الدكتورات زي بعض في منهم الطيب والبطال

ونفس الشيء الدكاترة والممرضين في منهم الطيب وفي البطال والاختلاط محرم مقابل انه مهنة الطب والتمريض حلال

صحيح مهنة التمريض حلال ولكن الاختلاط محرم

وصحيح الخمر فيه منافع ولكن له اضرار

اضرار الاثنين اكثر من نفعهم

كم من امور تساهلنا بها واضرت بنا باسم الثقة وباسم الانفتاح وباسم التربية

كم من فتاة سافرت للخارج وهتكت عرضها بمسمى الابتعاث

باسالك سؤال

لو عندك خروف او نعاج هل بتطمنين اذا حطيتيها في غرفة فيها ذئاب وتنامين مرتاحة البال؟

ما شبهتكم بالنعاج بس البنت بطبعها ضعيفة تنجذب للامور هذه والحب والرغبات خصوصا في مكان مختلط
وجه التشبيه هنا هو الضعف فهل تجيبين على السؤال ؟
_________________

احنا ماقلنا انو اننا نعتمد على التربية لا لانو التربية ماتكفي في البيت في اشياء تانية تخربها
بس نحنا نعتمد على خو فنا من الله تقدر تجاوب وتقول في شي يمنعنا عن الحرام غير خوفنا من الله
هو دا الشي اللي يحمينا
وبعدين لمن نقول مكان خاص للنساء يعني مايدخل الممرض الا باستاذان من كدا الدنيا سايبة وبعدين المناوبة تكون في قسم النساء ل3 او 4 ممرضات مو وحدة لحالها وتقولي تضعف ومدري ايه ونعجة وتشبيهات معيبة بنا كفتيات متعلمات

الخـــــــــــوف من اللــــــــــــــــه هو كل شي

مون قيرل معروف ان الارشيف هو قسم واحد والاستقبال هو قسم واحد وايضا غرفة الاشعة هو قسم واحد من قال هذه الاقسام غير مختلطة فهو مخطيء

ووبعدين للاسف اذا الواحد دخل اماكن مختلطة معروف يروح عنه خوف رب العالمين لان كل يوم يشوف الفساد قدامه والبنت ايضا وينجرف شوي شوي للموضوع

معروف ان سبب عدم الفساد وانتشاره بالشكل الكبير بعد الله هو وجود الهيئة في الاسواق والشوارع وما الى ذلك ولكن في المستشفيات والاعمال المختلطة لا يوجد رقيب ولا حسيب خصوصا في غرفة الارشيف اللي ما احد ينتبه لها وهذه هي النتيجة في اسفله

_________________

ملاحظة:

هذا الكلام طبعا عن كل المهن المختلطة وليس فقط المستشفيات
_________________

مساء / صباح الخير

تحياتي للجميع وللأخت الغالية الخطيرة اللي تحاول أنها تساعد في تغير فكرة الممرضة في عيون السعوديين كل الشكر لك يالغالية ..

دائما أقول في ردوي لك يا اخي العزيز بلال دائما لا تحكم على مهنة التمريض للبنت أو أي موضوع بالشواذ منه وإنما أنظر للفوائد والايجابيات اللي نطلع منها من عمل البنت في مجال التمريض الذي يبصم جميع العقلاء على شرف هذه المهنة للبنت ولا تقولي أنه كثر الدق يلين الحديد بس ترجع بالأول والأخير يا حبيبي بلال لدين البنت وعقلها وحماية نفسها بنفسها وتربية الأهل للبنت لها التربية الصحيحة اللي تحمي نفسها بعد ما تموت وتتركها بالدنيا وتواجة الانفتاح بجميع أشكاله الحسن والسيء.. وقتها اذا سويت كذا راح ما تدور البنت ولا تفكر بالحاجات الدونيه اللي تفكير فيها كثير من زميلاتها الممرضات من البنات في هذه المهنة ويجدونها فرصة للترفية عن مشاعرهم في هذه المهنة بعد اغلاق وكبت الأهل للبنت طول فترة دراستها والقوانيين الصارمة على البنت في حياتها والتربية الغلط من الأهل للبنت بالأول اللي تخليها تدور على هالاشياء اللي تقول عليها..

تعليقا على ما قلت في ردودك على مهنة السواق .. في قالك:

بالنسبة للمدرسات مستحيل سواق ياخذهم بدون محرم هذا اولا وحتى اذا خاص

اصلا حتى سالفة السواقين من قال انهم مسالمين ؟

حبيبي احنا في عصر فرض علينا التطور والتماشي مع الواقع ولكن مو مع كل حاجة تجيبها الموضة والغرب واللي تضر بالشخص نسويها لكن نحاول نكون في مثابة التطور الحاصل في بلاد الغرب بما يفيدنا ويكبر من شأننا في مجال التمريض أو الطب أو أي مجال آخر متفوقين علينا فيه..

قلتلك يا الغالي كل شي جاي بالطريق ولا تدقق على مهنة التمريض للبنت بأنها اختلاط وسلبياتها أكثر من أيجابياتها وما أحد يقدر يقول عنها محرمة للبنت لأنه أيجابياتها وفوائدها أكثر من سلبياتها مهما قلت ومهما حكيت ..

لأنه يوم بالأيام راح تشوف بناتك وحفيداتك بالمستقبل يسوقون السيارة راح تقدر تتلكم شي أو تقول شي .. بس راح يكون الأصل وهو الدين والتربية الصحيحة والتمواكبة مع العصر اللي حنا فيه وثقافة البنت اللي يخليها تفكر صح وتختار من هالدنيا الصحيح وتبتعد عن اللي يضرها ..

ولا تحاولوا تسدوا جميع الطرق أمام البنت في العمل والطموح والوصول للمجد لأنها اذا ما عطيناها الفرصة وأخذت حقها في مجال التمريض أو المجالات الصحية أو في أي مجال كان لا يضرها دينيا ولا دنياويا صدقني راح تتجه للأشياء اللي تقول عليها واللي تخليها تفقد عذريتها..

هذا تعقيد للأمور ونحاول نخليها تسوي حاجات أكبر حنا ما نسمح بيها .. بس كل شي بقواعد وشروط معينة ..

حبيبي بلال اذا أغلقنا كل الطرق أمامها الانفتاح راح يجي وغصب عن الكل رضيت أم أبيت ولكن نخلي للبنت أن تمارس حريتها بأنها تختار من هذا الانفتاح اللي يسهل حياتها ويساعد على نمائها والصح منه واللي ما يخالف دينها ومبادئها ..

يعني المثل اللي ضربته على الجهاز الجوال واللي تقول عنه مضرة وخرب البنات وافسد عقولهم والفضائيات والنت وخلى البنات تفقد عذريتهم وموضوع السائق واللذ سويته كارثه على البنات وليس نعمه أنعم بها الله علينا وعطانا المال عشان نجيب سواقين يساعدونا ويساعدوا اهلنا وبناتنا أنهم يعيشوا ويآخذوا رآحتهم في التعليم وتنوير عقول أبنائنا وبناتنا بالعلم ..

ولا تحاول تركز على الشواذ والسلبيات اللي جت مع الانفتاح وتآخد صورة وحدة وتحكم عليها .. بالعكس نحاول نتطور بسلوكنا وبالتكنولوجيا اللي تجي علينا من الغرب.. ولكن مو كل حاجة نآخذها منهم..

يمكن تسألني: هلى ترضى لبنتك أنها تمارس مهنة التمريض والطب.. ما تخاف عليها من الذئاب البشرية اللي حولها من الممرضين الشباب في العمل ..؟

بكل ثقة وعزة أوافق لها .. لأني أعرف التربية اللي ربيتها لها .. وأحاول أني أوريها وأربيها على التربية الصحيحة اللي تخليها تحكم عقلها بكل حاجة بعد ما أروح من هذه الدنيا.. اللي مستحيل تحط بنت في البيت وتسكر عليها وتقول أبي أمنعها من أنها تنفتح علميا وتشوف الحياة لأنك بيوم من الايام رآح تروح وتغادر هذه الدنيا وراح تبقى التربية اللي تمنعها وتحكم عقلها من أنها تسلك الطريق الغلط .. والانفتاح مفيد لكن اذا حاولنا نآخذه بحكمه ..

آسف جداً على الإطالة ولكن فكر في الموضوع بحكمة ولا تآخذ من الانفتاح السلبيات منه أو مهنة التمريض اللي حكمت على سلبياتها أنها محرمة وتدعوا للأختلاط...

وشكرا ..

تحياتي ..

وعلى فكرة أنا جاهز لأي أسئلة يا الغالي لأني أدافع عن حق وتغيير نظرة المجتمع عن الممرضات واللي انا واثق من كلامي ..

تحياتي

يا اخي في الولايات المتحدة بداو يفصلون في الجامعات بين البنات والشباب لانهم عارفين مضرة التعليم المختلط

وفي اوروبا درسوا مسالة فصل قسم النساء عن الرجال في القطار وايضا يدرسون فصل الاقسام في العمل

اذا انه الانفتاح يعجبك وتظن اننا بناخذ الجيد ونترك السيء

باعطيك نسب حلوة مبنية على دراسات لمراكز ابحاث سعودية

67% من النساء السعوديات يتعرضن للطلاق مع ان النسبة هذه كانت اقل بكثير قبل توافر الهاتف الجوال والانترنت.

74% من الفتيات السعوديات يقضين الانترنت في الشات وبرامج الدردشة

هذا اللذي جنيناه من الانفتاح

وهذه منظمة حقوق الانسان في السعودية ارتفاع حالات التحرش الجنسي في السعودية 100 %

وعلى الساحة الامريكية

أعلن مركز الضحايا الوطني الأمريكي والذي يناصر ضحايا جرائم العنف ما يلي:

معدل الاغتصاب في الولايات المتحدة (1.3) امرأة بالغة في الدقيقة الواحدة... بمعنى (683.000) امرأة أمريكية تغتصب في العام الواحد.

هنا مركز الضحايا الوطني:

وأضاف المركز أن واحدة من كل ثمان فتيات بالغات في الولايات المتحدة الأمريكية تعرضت للاغتصاب...
ليكون إجمالي من اغتصبن:
( 12.100.000)
أثني عشر مليون ومائة ألف امرأة على الأقل.

ها اللي تبينا نوصل له ؟

قل لي يا اخي قرين ايز هل تستطيع ان تقول لي ماهي التربية الصحيحة؟ بما انك تقول لايجب ان نكبتها وان نمنعها عن الانفتاح

اسرد لي هنا او في اي قسم اخر التربية الصحيحة اللتي تريدها انت خارج الدين الاسلامي

ان تضع فتاة في عمر الزهور على الدش والقنوات الفضائية والبلوتوث والشات على الانترنت والمكالمات الحرة في كل وقت ثم ترميها الى مكان مختلط باسم الانفتاح هل هذا هو التطور ؟

التطور اللذي تقول عنه اسفر عن ما في اعلاه في الولايات المتحدة حيث لا يعرف الرجل من هو ابوه .

ان تقول تطور وتطور وتطور كيف حكم الخلفاء كل هذه الدنيا من الصين الى المغرب ومن تركيا الى اخر افريقيا وكنا بخير

من قال لك ان من يقوم بهذا العمل في المستشفيات والمستوصفات هم فقط شواذ

لللاسف وللاسف وللاسف المستشفيات تستر على الفتاة في مثل هذه الحالات ولو فضحوهم لما تجرات الفتاة على الدخول كما تقول

وسؤال نسيت ان اقوله

انت تقول كبت وكبت اذا تربت البنت تحت التدين واذا انفتحت قلت شواذ

وجه التناقض انك تقول مرة لو تربت البنت التربية الصحيحة وبعدين تقول لن تستطيع التوقف امام الانفتاح؟

اضف هذه الى الاسئلة
_________________