رأي المجتمع السعودي بـ _ _ _ الممرضه >>

[right][b]بسم الله الرحمن الرحيم

السلام عليكم ورحمه الله وبركاته ..

بعد حوار ونقاش عنيف مع الأخ بلال اللي يقهر صراحة بعض الأحيان بردوده .. خخخخخخخ امزح معك..

فقررت اني أرد عليه بالمنتدى على الموضوع هذا ...

اول شي أبي اقولك شي .. كل شي تغير .. والدنيا تغيرت .. بس أكيد الدين ما تغير ولا راح يتغير..

بالنسبة لعمل المرأة عموماً أنا من أكبر المؤيدين له وأشجع عليه .. خلينا نفتح المجال للمرأة مهما كانت سعودية أو غير سعودية .. ممكن تبدع فيه ووتفوق على الرجل في كثير من الأحيان..

وبعدين مقصدك من تحريم مهنة التمريض للفتاة انه اختلاط .. حبيبي لا تقفل الموضوع كله عشان كذا .. لأنه مهنة التمريض اشرف من انه بنت شاذة من جنس البنات كلهم شوهت سمعة التمريض او انه في اختلاط وكل المصايب فيه ..

امسك العصا من النص ..

أولا: إحنا في زمن كل يوم يتغير ويتطور .. ولازم نتطور ونغير من تفكيرنا .. وطبعا يكون الدين نصب أعيننا .. بس لا نحكم على الشغلة وعلى اشرف المهن للمرأة او للرجل مهنة الطب بأنها اختلاط للبنت وممنوع هذه المهنة للبنات..

ومن ناحية ثانية : مو جاية البنت على المهنة هذه عشان قصدها الاختلاط أو غيره ..

وبعدين أكدد وأجزم كل من عمل أو اختار طريقة في الدنيا هذه مهنة التمريض او الطب عموما انه ما راح يكون هذا تفكيره ..

بالعكس كل اللي يدرسون مهنة الطب أو التمريض سواء من الفتيات أو الشباب مو تفكيره أو طموحه الى هذا الحد.. بالعكس يكون تفكيره أكبر ومنفتح فكريا وثقافيا وما ينزل لهذه السخافات بل يكون تفكيره أكبر ويحترم هذه المهنة الكبيرة في نظري..

فأرجوا أنك تتفهم الموضوع ومثل ما قالت الغالية مون قيرل انه مو كل اصابع يدك سوا ..

كلمة أخيرة وسبق إني قلتلك إياها ..

إذا الأهل ربوا البنت التربية الصحيحة والمبنية على التفاهم والصراحة اللي صعبة تلاقيها في مجتمعنا السعودي بل العربي أجمع.. صدقني ما راح يكون الحال مثل ما أنت شايفه .. أي انه لو كل أنواع الاختلاط والإغراءات قدامها ما تهزها او تحرك فيها شعرة أو تنزل أو تتخلى عن قيمها .. بس للأسف ما اعتقد في مجتمعنا السعودي هذه التربية إلا ما ندر.. يركزوا على التربية الصحيحة .. سوء تربية من الأهل أو غير مؤهلين للتربية الصحيحة اللي تحكم البنت عقلها في كل حاجة واللي مبنية على الصراحة والتفاهم بين الأبناء ..

وسؤال صريح .. لو ما في ممرضات نساء هل راح ترضى لأختك أو زوجتك في المستقبل انه يمسكها ممرض شاب ...؟؟

تحياتي ..

وشكرا ..

تحياتي ..

يسلموووووووووو
عالرد الحلووووووووو
من اول ادور احد يفهمنا احنا يالبنات
مشكووووووووووووووووووووووور
تفكيرك عصري ويدل على انك انسان متفاهم ومثقف
والصرااااااااااااااااااحة اشكرك من كل قلبي

بالنسبة للبلال
احب اقولك الدنيا كلها اختلاط قولي مكان مافي اختلاط اكيد البيت
اما السوق المدرسة والجامعة والشارع
وكل مكان يعني كلو حرام
هادا مو حكم انت متعصب لرأيك
احنا كبنات نحترم رأيك ونقدر موقفك واللي تقولو يسير صح احنا بنشوف بس دا مو معناة انو دايما ويتعمم على كل البنات لا
طالع للجزء الممتلئ من الكأس ومو الجزء الفارغ وتعلق عليه
شوف الايجابيات للمهنة واترك السلبيات

احنا هنا كلنا نحقق طموحنا ونسعى ان تكون لنا بصمة في مجتمعنا
يخلدها التاريخ ويقتدي بها ابناوءنا مستقبلا
lol!

تسلمون على ردودكم

بالنسبة لاخي قرين ايز

انا من ناحيتي ما تكلمت من عقلي او من باطل المهنة المختلطة واللي فيها اختلاط الرجال بالنساء وفيها معها خلوة احيانا حرام باجماع الشيوخ وهذا شي معروف

ثانيا: صحيح انه في الطرق وفي المدرسة اختلاط وفي الاسواق لكن رجال الهيئة اعانهم الله بالمرصاد لكل شاب وفتاه يريدون السوء لكن في المستشفى فلا رقيب ولا حسيب واحيانا تضطر المراة ان تعمل في الليل لوحدها مع شاب وهذا امر غير مقبول .

ثالثا: تقول يا اخي ان مهنة الطب مهنة شريفة وكل المهن الاخرى اللتي تضمن الكسب الشريف فهي مهن شريفة ولكن العمل الشريف هو ما لا يغضب رب العالمين .

رابعا : لو ان الله تعالى وجد ان بالتربية فقط تصلح الامة فما الداعي الى تحريم الاختلاط والخلوة ؟؟؟؟

ولما لم يقل ربوا اولادكم وربوا بناتكم فقط ؟

خامسا: بالنسبة لقولك يا اخي لو مافيه ممرضات هل ارضى ان يمرضها شاب؟ انا اقول لك بصراحة انا اتمنى ان تمرضها فتاة او ممرضة ولكن في مستشفى منفصل به نساء فقط ولا يدخله رجال ابدا

وانت عندي سؤال لك يا اخي قرين ايز

لو اختك ممرضة هل تامنها وتخليها تختلي مع الممرض في مستشفى واحد ؟؟؟؟ ولو كنت ترضى هل يرضىب العالمين ؟؟؟؟

منتظر ردك اخي

اما مون قيرل العزيزة ففي ردودي ما يجيب اسالتك
_________________

طالع للجزء الممتلئ من الكأس ومو الجزء الفارغ وتعلق عليه
شوف الايجابيات للمهنة واترك السلبيات

احنا هنا كلنا نحقق طموحنا ونسعى ان تكون لنا بصمة في مجتمعنا
يخلدها التاريخ ويقتدي بها ابناوءنا مستقبلا

انا تعبت ارد عليك في اشياء مو راضي تفهمها ولا تقتنع بيها
بس احب اقول بجيك يوم تقتنع بيها لانو كلامك دا حتتخلى عنو

في النهاية انا اشكر قيرين ايز لاني لقيت شخص من العالم يعبر ويفهم ويقدر معنى مرأة
وعملها وطموحها lol!

يالعزيزة مون قيرل

كل شي له ايجابيات وله سلبيات ولكن اذا سلبياته اكثر من ايجابياته فليش ناخذ فيه؟

يعني الخمر مثلا له ايجابيات وله سلبيات مثل ما ذكر في القران وسلبياته اكثر من ايجابياته

وعمل الممرضة في المستشفى المختلط سلبياته اكثر من ايجابياته

لو انه مستشفى للنساء منفصل تماما كل التمام عن مستشفى الرجال لكنت اول من يدعم الفتيات في هذا الشيء

ولكن باختلاط؟؟؟؟؟

وخلوة؟؟؟؟؟؟

انا اعلم انك تعلمين ان قصدي خير وانني على حق

هل تستطيعين ان تاتي بادلة من القران تجيز الاختلاط في العمل ؟ لاني اتيت بادلة من القران والاحاديت تمنع الاختلااط وتحرمه
_________________

Green Eyes
يعطيك العافية

ويا بلال عمرك في حياتك شفت مستشفى منفصلة
المستشفى بتكون وحدة وقسم رجال وقسم نساء
والخلاصة هذا الموضوع أمر مفروغ منه طلعت نزلت رضيت ما رضيت
الممرضة شغلانه مرغوبة ومطلوبة وإلي إمنوا قوي بربوا ما يهزا إعصار وإلي إيمانوا ضعيف
لوا أنحط في قفص راح يولد المشاكل من بين أسوار القفص
وكل شخص عقلوا في راسوا يعرف خلاصوا
_________________
حبيبي خايفة هل الحب يكبر

وقلبي يعشقك أكثر وأكثر

وإذا شفت إني ما أستغني عنك

تخلني ومن حبي تنكر

عديل الروح لا تخليني " أحبك "f" "

عديل الروح باسالك سؤال

لو عندك بنت بعمر الزهور والشباب هل ترضين تحطينها في مكان مختلط حتى لو فيه شباب

اوكي لو البنت كويسة بس الشباب لا هل انتي تامنيني عليها

بامانة ردي
_________________

يسلمو على الموضوع
وعلى ردك الرائع ورايك الاروع
بصراحه موعارفه ايش اقول اكثر
يسلمو
تقبل مروري
_________________

شكرا عشيقة الملك على الموضوع ,,, والشكر موصول لجميع الاعضاء اللي ردوا

الاخ بلال لم يحرم عمل المرأة ولكن ذكر بان الاختلاط هو المحرم , معذرتا ان بعض الاعضاء لم يقراء الفتوى من اولها الى اخرها وانما ينظر للحكم بجمال ويقول انكم تحرمون عمل المرأة

انا ارجو من الاعضاء قرأة الفتوى للشيخ محمد بن ابراهيم ويتمعن بها ولا يستعجل بالحكم

ثانيا : ذكر الاخGreen Eyes

اول شي أبي اقولك شي .. كل شي تغير .. والدنيا تغيرت .. بس أكيد الدين ما تغير ولا راح يتغير..

وانا اقول انه لم يتغير اي شيء في الدنيا الليل هو الليل والنهار هو النهار

ولكن مفاهيم الناس هي اللي تغيرة

ارجوا انت تعذروني على الاطاله ولا احد يفهمني خطا

اشكر لكم ردودكم وتقبلكم اراء بعض دون تعصب
فالاختلاف لا يفسد للود قضية

تقبلوا احترامي للجميع
_________________
كل ابتسامه مهاجره جات رجعت لشفتي
وكل الدروب الضايعه مني تنادي خطوتي

مساء / صباح الخير

تحياتي للجميع وللأخ بلال وابوريف على الرد واشكر الغالية Moon Grils على تفاعلها وشكرها الجزيل .. ومعليش على التأخير في الرد..

أبي أقولك شي يا أخي العزيز بلال وقبل كل شي واللي سبقتني عليه الغالية Moon Grils واللي هي: دائما في كل الأمور وفي كل المسائل أنظر لإيجابيات المسألة المطروحة للجدل وانظر للجزء الممتلئ من الموضوع ولا تنحصر في عمق الزجاجة وتحكم وتعمم الحرام على كل المسألة وعلى اشرف المهن وهي مهنة الطب والتمريض ..

راح ارد على أسئلتك وردودك باللي انا مفتنع فيه واللي تعلمتة في حياتي وفي بلد الإسلام السعودية واخترت منه الصحيح ..

- أنا ما حللت الحرام أو مهنة التمريض اللي حكمت عليها بالتحريم بمجرد ان بنت ما قدرت هالمهنة وما قدرت شرف وسمعة أهلها بمجرد أنها تعاملت مع هذه المهنة بشهوانية وغريزة وهذا يرجع بالأول وبالأخير لتربية البنت التربية الصحيحة اللي ترجع البنت لدينها وعقلها قبل ما تتعامل معه بشهوة أو بغرائزها الفردية..

- وشوهت صورة هذه المهنة كاملة وخربت على البنات غيرها وغيرت نظرة المجتمع لهذه المهنة الشريفة التي لا يراهن او يعلق عليها احد في شرفها للبنت إذا كان عملها في ضمن ضوابط محدده.. واللي تقدرها معظم المستشفيات والدوائر الصحية على حد سواء..

- وبالنسبة للغلط اللي تتكلمون فيه أنكم جعلتوا المهنة حرام واختلاط بمعنى الكلمة وبررتوا الاختلاط وهذا بعينة لا يجوز ..

- فلا تحلم أنه راح يكون هناك مستشفى أو مركز صحي للنساء فقط لأمي وأمك بس ..

- لازم تتاقلم مع الوضع ونحاول ننظر للمسألة من جميع الجهات ومن جميع السلبيات والايجابيات فيها ونقارن بعدها.. مو تحرم المهنة وتجعلها مهنة اختلاط ولا تجوز للفتاة بتعلم هذه المهنة وممارستها في حياتها .. هذا أكبر غلط ..

ومن ناحية ثانية من اللي قالك أو من وين حكمت أنها هالمهنة سلبياتها أكثر من ايجابياتها..؟؟

البنت انسان زيي وزيك كلنا لنا عقول نفكر فيها ونعرف الصح من الغلط .. واكيد اذا حكمت البنت عقلها في أي مسألة في أمور حياتها وليس بالخصوص موضوع ممارستها لمهنة التمريض.. وضمن ضوابط محدده راح ما يكون فيها شي في العمل في مهننة التمريض..

بالعكس بدل ما تنشغل البنت في شي تقليدي أو شي يخرب عقلها بشي ما نعرفه حنا كأهل .. اعتقد توافقني الرأي في هذه ..

والمشكله عندك في المسأله كمهنة التمريض للبنت انها راح تختلي مع شاب لحالها في غرفه بلحالهم ويفعلوا المحرمات .. ما أعتقد هذا.. او يكون هذا تفكير الكل .. أكيد فيه بس لا تعمم على الكل ولا تظلم أحد باتهامك للممرضات..

لأنها هذه كلها شواذ ولكل قاعدة شواذ وسبق قلتلك أنظر للمسألة من جميع الجوانب والظروف ولا تحكم عليها من منظور واحد .. وأنه اختلاط ومنها حرمت المهنة للبنت بمجرد ما درست المسأله من جناب واحد واللي هو الاختلاط وانها راح تختلي بالشاب في غرفة وحدة بلحالهم..

فكر بكلامي يا الغالي بلال وعيش الواقع بكل تجاربه .. وقبل لا تحكم على شي تأكد ولا تحكم على الكل بمجرد خلل في قاعدة معينة ..

تحياتي لك يا الغالي أبوريف واللي علق على جزء من ردي السابق واللي هو كان ..

ثانيا : ذكر الاخGreen Eyes

اول شي أبي اقولك شي .. كل شي تغير .. والدنيا تغيرت .. بس أكيد الدين ما تغير ولا راح يتغير..

وانا اقول انه لم يتغير اي شيء في الدنيا الليل هو الليل والنهار هو النهار

ولكن مفاهيم الناس هي اللي تغيرة..

وانا ما كان قصدي بجملتي أنه الدنيا تغيرت .. وعارف انه عقول ونفوس الناس تغيرت ..

تحياتي لك ولأطرائك الجميل ..؟؟

وأخيرا كلمة واحدة أدرسوا الموضوع من جميع جوانبه واذكروا سلبيات وايجابيات هذه المهنة الشريفة ووين المشاكل في هالموضوع إذا البنت عملت في مهنة التمريض .. ولا تقولوا أو تحكموا على الشي بمجرد عواطفنا أو دخل فيه شي من سوء الفهم للقضية..

واخيرا .. طالع للجزء الممتلئ من الكأس ومو الجزء الفارغ وتعلق عليه
شوف الايجابيات للمهنة واترك السلبيات

أتمنى أنه الفكرة وصلت ..

وآسف على الإطالة..

وشكرا ..

تحياتي ..

يسلموووووووووووووو
انا بعدك ماقدر افتح فمي بصراحة انت انسان منتفهم للمهنة ولشرفها

انا بحكم تجربتي اتكلم مني جالسة اقول كلام من الهوا
انا اشوف صحباتي وبنات كتير حجابهم ساتــــــــــــــــــــــــــــــــــر
بما تحملة الكلمة من معاني من جد ومايتكلمو مع احد وبالاصح ومايدو احد وجه
مو عاد تختلي مع واحد في غرفة (قلك دحين اتنين على مريض واحد كيف تجي مدري بس نمشيها)

انتو جالسين تقولو على شي يمكن شفتوه و سمعتو عنو لكن ماشفتو البنات المحجبات ماشفتو البنات المحترمات
البالطو اللي يلبسوه في المستشفى طويــــــــــــــــــــــل وساتر وعليه خمار واسع
فينكم ماتشوفو دولا ليش انتو تشوف البنات المايعات واللي متخلين عن دينهم ومهنتهم وعن سمعتهم

واذا انت تبى ادلة تحلل الاختلاط مافي لان الاختلاط محرم كلنا عارفين بس المهنة مافيها الاختلاط
اللي تتكلم عنو

للمرة الالف بعد المليون اقول :
هنـــــــــــــــــــــــــاك قسم خاص للنساء ممنـــــــــــــــوع فيه دخول الرجـــــــــــــــــال
وهنــــــــــــــــــــــــــاك قسم خاص للرجال ممنـــــــــــــــــــوع فيه دخول النســــــــــــــــاء

لو عندكم فلوس تملو البلد مستشفيات للنســــــــــــاء فقط نحن نكون شاكرين لكم خدمتنا لان هادي امنيتنا
اكيد منى عيننا نبى مستشفى لوحدنا ناخد راحتنا فيها ونفتك من المعاكسات وحركات الهبل حقت الاولاد

والله اذا ماعندكم فالافضل انكم تستسلمو للواقع
اصابع يدكم مو زي بعض
وايجابيات اكتر من سلبيات المهنة هادا سلبيات من نظركم انتو وبس

معليش طولت عليكم

اخي قرين ايز

انت يا اخي العزيز قلت الجزء الممتليء والجزء الفارغ من الكاس

كلنا نعرف انه لا يوجد شيء سيء بحد ذاتيه ولا شيء جيد بحد ذاته

كل شيء في الدنيا له مضار وفوائد مجتمعة معه

قال الله تعالى : { يسألونك عن الخمر والميسر قل فيهما إثم كبير ومنافع للناس وإثمهما أكبر من نفعهما } .

لاحظ الخمر قال عنه سبحانه وتعالى ان الخمر فيه اثم يعني مضار وايضا فيه منافع واثمهما اكبر من نفعهما

يعني مضاره اكبر واكثر من نفعه

وكذلك الاختلاط صحيح يا مون قيرل انه لايجتمع اثنان على مريض واحد ولكن في الارشيف او في الاستقبال او عند غرفة الممرض او في غرفة الاشعة مثلما كان يحدث في المستوصفات او بعض المستشفيات هناك اماكن كثيرة يكون فيها اختلاط بين الممرض والممرضة وليس بين الممرض والمريضة او العكس

مون قيرل هناك اماكن كثيرة بعيدة عن الاختلاط ووظايف رائعة وبعيدة عن الاختلاط الصريح

مثلا شركة موبايلي والوظائف اللي تحطها للموظفات وبعيد عن الاختلاط برواتب مغرية

شركة الاتصالات السعودية

شركات الانترنت واللي تحط اقسام منفصلة تماما

شركات الهندسة وفيه اقسام خاصة بعيدة كل البعد عن اقسام الرجال

البنوك فجميع البنوك تضع مبنى خاص للنساء فقط

وايضا شركات الاستثمار بعضها وليس كلها تضع قسم للنساء بعيد جدا عن الرجال وللنساء مداخل خاصة بهم

اليست هذه بدائل ان كنتي ستعملين

بالامس بدأ العلمانيون وبعض النساء الغارقات في الدعوة لعمل المراة واليوم تطالب النساء بالعمل في الاقسام المختلطة وغدا تطالب النساء بالانفتاح والغاء العباءة في المكتب وبعده بالغاءها حتى في الشارع

فلم يبقى شيء فاغلب الفتيات تسابقن لهذا الشيء

اخي قرين ايز

لم اقل مهنة الطب حرام بل رب العالمين حرم الاختلاط وانا عندي ادلة وقد اوردتها في ردودي

هل تستطيع ان تاتي بدليل من القران ان الاختلاط حلال ؟ وهل تستطيع ان تثبت بان العمل المختلط يمكن ان يكون منطقيا في ظل الانفجار الجنسي اللذي نشهده في السعودية ؟

مون قيرل انتي تقولين بان في كل مكان هناك اختلاط ومثلتي بالاسواق والسائقين وهكذا

سؤالي هو : هل في هذه الاماكن خير للرجل او للمراة ؟

معروف ان مكان التشبيك او مكان اللقاء هو الاسواق ومعروف عن السائقين انهم احد اسباب فقدان بعض الفتيات البريئات لعذريتهن هل تعتقدين انني قد اقبل ان اتي بسائق لابنتي او زوجتي مثلا في يوم من الايام؟

مون قيرل هل تستطيعين ان تقولي ان الفتاة في مامن من المعاكسات والمغازلات في العيادات والمستشفيات؟ ولاتنسي بانك قلتي

سلام ..

حبيبي بلال ليش غيرت الموضوع وحاولت تصرف الكلمة اللي مجادلنا فيها واللي هي انه مهنة التمريض للبنت فيها اختلاط والاختلاط محرم وحكمت على المهنة بأكملها للبنت محرمة ولازم تنغري وتنحرف مع الزمن .. وين حنا .. تفكير البنت اللي درست التمريض وتمارسها كمهنة مستحيل كلهم يكونوا بالصورة اللي انت متصورها عن البنت ..

وانا رديت عليك وبأختصار قلتلك بضوابط محددة ومضبوطة ما فيها مشكلة انها تمارس البنت مهنة التمريض كرجل لكن بضوابط شرعية ومحددة..

مثال بسيط قياة المرأة للسيارة ممنوع في اللملكة .. راح يجي يوم يتغير تفكير الناس ويقبلوا الفكرة لناتهم وأهلهم والانفتاح الثقافي القادم راح تلاقي بنتي وبتك تسوق سيارة .. بس يرجع لتربية البنت ودينها وخلقها .. والزمن هذا جاي وقول قرين ما قال..

حبيبي الزمن تغير .. وبيجي على بناتك وحفيداتك في المستقبل يمشون مع الانفتاح حتى لو مو بالصورة اللي بذهنك عن الانفتاح والتطور .. راح تقدر تمنعهم وقتها .. ؟؟

يا نـــــــــــــــــــــــــــــاس يرحم ابوكم تطوروا وأفهموا وانظروا للمسألة من كل الجهات ولا تعقـــــــــــــــــــدوا البنات عشان ماينحرفوا وتجيهم اضرابات نفسية ويتجهون للطريق الغلط .. وتوصل لأن البنت تكلم شباب عشان تفتك من الدوامة اللي فيها وكلمة عيب عيب عيب عيب عيب عيب عيب عيب يا بنت لا لا لا لا لا لا لا حرام .. بنات اليوم مو مثل بنات اليوم تقدر تسكر عليهم البيبان وتقولهم ممنوع كل شي .. لا وين الناس حبيبي..؟؟

وردا على سوائل هل تستطيع بأن تأتي بدليل من القرآن أن الاختلاط حلال..؟

ما في دليل صريح بأن الاختلاط حلال .. ومين اللي سمحلك بأن مهنة التريض للبنت انها كلها اختلاط ومغازلات في المستشفيات والمراكز الصحية ..؟

حبيبي لا تعم على جميع الممرضات يمارس الطريق الغلط وتحكم عليهم بمجرد انك شفت بنت ما قدرت المهنة ولا اهلها ولا خافت من ربها ولا حكمت عقلها بأن المهنة لاتجوز للبنت ولازم تنفتن مهما كان .. راجع حساباتك وفاهم وش اللي تبي توصله ..

ونقطة أخيرة

ارجوا انك تعذرني على الإطالة بس الموضوع والكتاب باين من عنوانه انه يجوز للبنت تمارس مهنة التمريض بضوابط محددة وترجع لعقلية البنت وتربيه أهلها لها ..

وشكرا ..

تحياتي ..

Green Eyes

ايوا فيه معاكسات من ناس عقولهم ناقصة
يعني خلاص مانروح نشتغل عشان لاحد يعاكسنا ماسارت اجل معناتو حتى السوق مانروح عشان لاحد يعاكسنا
يعني ماننزل الشارع عشان لاحد يعاكسنا يعني مانرفع سماعة التلفون عشان لاحد يعاكسنا
يعني نقفل باب بيتنا ونمنع عننا وسائل الاتصالات عشان لاحد يعاكسنا
احسن شي نجلس في خيمة وفي الصحراء بعيد عن الناس عشان نفتك من المعاكسات Evil or Very Mad

في كل مكان معاكسات مو بس مستشفى ومومعنى دا اني اتخلى عن حلمي بسبب ناس عقولهم ناقصة ينظرو لشهوتهم وبس لا مستيل انا بطموحي اسوي اشياء انتو يالشباب ماتقدرو تسوها والزمن يخلدها لي ولابنائي
وايش يخليني اتخلى عن حلمي واشتغل في اي شركة ههههه وبدون شهادة عليها القيمة
انا ماارضى بالبسيط اذا شي ماتعبت عليه مالو قيمة عندي ودراستي دي وشهادتي عليها القيمة
وبعدين انا ماهمني كم الراتب اللي باخدو لانو راح ولا جا فلوس يعني ولاشي في حياتي اهم شي طموحي وقيمتي والشي اللي راح اسويه لبلدي وقد ايش انا اقدر اعطيها انا بدون مااخرج من البيت اقدر اجيب الفلوس دي لكن انا ابى اثبت نفسي واني اقدر احقق الشي اللي حلمت فيه من انا صغيرة ومستحيل احد في الدنيا يقنعني بكلامو كأننا من كان

انا مادور وظيفة وبس انا ادور حلم على الواقع
وان شاء الله اقدر احمي نفسي من دولا الناس اللي تتكلمو عنهم
انا صح مني افضل من الصحبيات لكن انا من من تتبع خطاهم انا احمل بين يدي رسالة ولازم كل الناس تستفيد من شهادتي وطموحي

وبرضو طالعو للبنات المحجبات من يوم ماتوظفو الى التقاعد وهما كدا
ماغيرهم معاكسات ولا كثر الدق وكلام فاضي
لو الوحدة مؤمنة بالله وخايفة منو مستحيل احد في الكون من كان ان يغير لها حجابها او ان يمسها بشي
لانو هو نفسو راح يخاف منها
واكرر في اقسام منفصلة للنساء لوحدهم مكان مايدخلو الرجال

ارجع اقول طالعو للجزء الصالح من البنات لا الفاسد الذي علاه الغبار

تقبلو تحياتي واسفة على الاطالة
lol!

اخي قرين ايز تقدر تقول لي ايش لقينا نتيجة الانفتاح؟؟؟؟

دخل الانترنت فصاروا بناتنا يعرضون اجسادهم عارية في الكاميرات

دخل الجوال فصاروا البنات يغازلون الشباب بالجوال والبنت تطلع شريحة سرية بدون اسم وتكلم فيه براحتها

دخل البلوتوث فصارت البنت عمرها 12 سنة وتشوف بلاوي

ايش استفدنا من الانفتاح؟

لا عالمة ولا مهندسة ولا ام صالحة ولا شي

اغلب حالات الطلاق بسبب الانفتاح اللي تقول عليه

اصلا حالات الطلاق زادت بعد دخول وسائل الانفتاح اللي تقول عليه

وهذه دراسات تسويها جامعات ومراكز ابحاث في السعودية

وعندي سؤال يا قرين ايز ايش هي الضوابط الشرعية المحددة في نظرك؟؟؟

ويا مون قيرل قولي لي مثلا وش هو المستشفى اللي فيه قسم النساء منفصل عن قسم الرجال بس جيبي لي اسمه اذا ممكن
_________________